Gareen Itti Aanaa Hogganaa Biiroo Maallaqaa Oromiyaan hogganamu pirojeektota Zoonii Diinagdee Addaa Gadaa daawwatan.

Gareen Itti Aanaa Hogganaa Biiroo Maallaqaa Oromiyaa Dr Ashannaafii Tashoomaatiin hogganamu pirojeektota Zoonii Diinagdee Addaa Gadaa (ZDAG) daawwatan. Gareen kun bu’uuraalee misoomaa zoonichi misoomsaa jiru kan akka: dhiyeessii bishaanii, sab-isteeshiinii, sarara bishaanii, daandii asfaaltii, bakka buufata konkolaataa, daandii cirrachaa keessa keessaa, fi bo’oo lolaa daawwataniiru. Haaluma kanaan, sararri ibsaa fi bishaanii yeroo gabaabaa keessatti xumuruun tajaajilaaf qophii akka ta’u ibsanii, gama biraatiin hojii hojjetamaa jiran baayy’ee dinqisiifachuun, pirojeektota xiyyeeffannoo addaatiin raawwatamuu qaban irratti kaallattii kennuun daawwannaa isaanii xumuraniiru